Mədəniyyət və incəsənət xadimi, yazıçı-dramaturq Əli Əmirlinin “Ustad dərsləri” kitabı “Mücrü” nəşriyyatında çapdan çıxıb. Kitabda müəllifin “Ulduz” jurnalı və “525-ci qəzet”də paralel yayımlanan dərsləri toplanaraq nəşr edilib.
1 il müddətində çıxan və toplamda 10 dərsi əhatə edən bu yazılarda müəllif əsasən dramaturgiyanın əsas xüsusiyyətləri, teatrla qarşılıqlı yaradıcılıq münasibətləri, dramaturji priyomları əhatə edən mövzulara yer vermişdir.
“Ustad dərsləri” dramaturgiya, teatr sahəsi ilə maraqlananlar, kinosevərlər, ümumiyyətlə, bədii yaradıcılıqla məşğul olan hər kəs üçün faydalıdır.
Qeyd edək ki, kitab “Ulduz” jurnalı ilə “Mücrü” nəşriyyatının birgə layihəsi çərçivəsində nəşr olunmuşdur.
Kitab haqqında daha ətraflı məlumat almaq və sifariş etmək üçün buraya sıxın.
