Azərbaycanlı yazıçı, “Mücrü” nəşriyyatının tərcüməçi-redaktoru Xanım Anelanın “Ürək notu: vanil” romanı Türkiyədə nəşr edilib. Qeyd edək ki, roman “Lotus” nəşriyyatında “Kalp notası: vanilya” adı ilə işıq üzü görüb.
2013-cü ildən bədii yaradıcılıqla məşğul olan yazıçının ilk kitabı “Amarna günahkarları” romanı 2018-ci ildə çap edilib.
Daha sonra “Anela” hekayələr toplusu, “Yuxuların oğrusu”, “Ürək notu: vanil” romanları və “Fürer” adlı araşdırma kitabları çap edilib.
Uşaqlar üçün “Şirin və Düşüncənin yeni il macəraları” və “Pıçıltı” adlı nağıl kitabları işıq üzü görmüşdür.
Yazar həmçinin tərcüməçiliklə məşğuldur. Türk və dünya ədəbiyyatından 20-ə yaxın əsəri Azərbaycan dilinə tərcümə etmişdir.
Yazıçının Türkiyədə çap edilən “Kalp notası: vanilya” romanının tərcüməçisi Fidan Nəzirova, redaktoru isə Fidan Nəcəfovadır.
Kitab bu həftədən etibarən Türkiyədəki kitab mağazalarında satışa çıxarılıb.
Sifariş üçün:
1. https://www.dr.com.tr/kitap/kalp-notasi-vanilya/edebiyat/roman/dunya-roman/urunno=0002129716001
2. https://www.kitapyurdu.com/kitap/kalp-notasi-vanilya/689157.html
3. https://www.bkmkitap.com/kalp-notasi-vanilya
4. https://www.pandora.com.tr/kitap/kalp-noktasi-vanilya/899605
