Telekanal NVO məşhur isveçli rejissor İnqmar Berqmanın ekranlaşdırdığı “Ailə həyatından səhnələr” adlı filminin ssenarisi əsasında mini-serial çəkəcək.

Serialda baş rolları Mişel Uilyams və Oskar İsaak oynayacaq. Layihənin aparıcısı Hagai Levy həm prodüsser, həm də rejissor kimi fəaliyyət göstərəcək.

İstehsalçılar arasında İngmar Berqmanın oğlu – İsveç rejissoru Daniel Berqman da var.

Xatırladaq ki, Berqmanın eyniadlı filmi 1973-cü ildə çəkilib. Film bir cütlüyün həyatının fərqli mərhələlərini, insan psixologiyasının alt qatlarını əks etdirir.

Serialın çəkilişlərinin payızda başlanılması gözlənilir.\\kulis.az\\