Solo saz ifaçısı Erfan Heydəri, 2007-ci ildə sazlı-sözlü bir ailədə, Təbriz şəhərində dünyaya göz açıb. Babası aşıq İbrahım Məhəmmədpur və dayısı solo saz ifaçısı İsmayıl Məhəmmədpurun onun həyatında böyük rolu olub.
Yəni demək olar ki, Erfan gözünü açandan bəri sazı aşıqların sinsində, böyük atasının evində görüb. Onun üçün də saz sənətinə böyük maraq göstərib. O, 9 yaşından, dayısı İsmayıldan sazı öyrənməyə başlayıb. Onun musiqiyə istedadı olmağından əlavə, o, planetşünaslıq dərslərinə də maraq göstərir və yaşının azlığına baxmayaraq planetlər haqqında gözəl məqalələr yazır.
O, məktəbdə keçirilən yarışmada isə birinci yeri qazanıb. Onun ailəsinin dediyinə əsaslanaraq, anasının da musiqi və ədəbiyyata istedadı olub və Erfanın qulağına, uşaqlığından bəri M. H. Şəhriyar, B. Vahabzadənin şeirlərini və Səməd Behrənginin hekayələrini pıçıldayıb.
Erfan Heydəri saz sənətində beynəlxalq “PEYĞƏMBƏR” festivalında və bir neçə başqa festivallarda da iştirak edibdir. O, bir neçə dəfə də Güney Azərbaycanın rəsmi kanalı “SƏHƏND TV”, Təbriz radiosunda və bu tayın radiosunda çıxış edib.
Ona ömrünün yollarında uğurlar və ışıqlı gələcək arzu edirik.
Hazırlayan:
şair, yazar, tərcüməçi Əli Nurvəş (Çağla)
Təbriz şəhəri
