Azərbaycan Dillər Universitetinin “Yazarlar Klubu”nun təşkil etdiyi I “SÖZ” yazı müsabiqəsinə əsər qəbulu bu günün sonuna qədər davam edəcək. Müsabiqə “Mücrü” Nəşriyyatının dəstəyi ilə həyata keçirilir.
Qeyd edək ki, janr və mövzu məhdudiyyəti qoyulmayan müsabiqə mərhəli həyata keçirilir. İlk turu ən yüksək balı toplamış ilk 10 yazı nümunəsi keçəcək. Həmin 10 yazının müəllifləri yarımfinal mərhələsində təkrar yarışacaq və ən yüksək balı toplamış 3 yazı Final mərhələsinə yüksələcək. Qalibi bu dəfə münsif heyəti yox, Azərbaycanın oxucu kütləsi müəyyən edəcək. “Telegram” kanalında ümumi açıq səsvermə nəticəsində 3 yazıdan ən çox səsi toplayan yazının müəllifi I “SÖZ” Müsabiqəsinin qalibi olacaq.
Mükafatlar:
I yer – “Mücrü” Nəşriyyatından 30 AZN dəyərində kitab hədiyyə kartı, Diplom
II yer – “Mücrü” Nəşriyyatına 1 aylıq pulsuz abunə haqqı, Diplom
III yer – “Mücrü” Nəşriyyatından kitab dəsti, Diplom
Şərtlər:
• Müsabiqə üçün göndərilən mətnlər bu günə qədər heç bir sosial şəbəkədə paylaşılmamalı və orijinal olmalıdır.
• Nəsr və nəzm nümunələri istənilən ölçüdə, mövzuda və janrda yazıla bilər.
• Yalnız 19.08.2020, saat 23:59-a kimi göndərilən yazılar müsabiqənin I mərhələsinə qoşula bilər
Yazılar 10 ballıq şkala ilə iki istiqamətdə qiymətləndiriləcək:
1. Bədii təsir gücü;
2. Nəzəriyyə tələblərinə cavab verib-verməməsi.
Münsif heyəti: Səddam Laçın, İsa Şirinov, El Roman
Ətraflı məlumat üçün: 070 510 02 09
