“İlin Kitabı” müsabiqəsi “Mücrü” nəşriyyatı tərəfindən 06.01.2024-cü il tarixində təsis edilib. Müsabiqə ildə bir dəfə olmaqla elan edilir. Müsabiqəyə son iki ildə çap edilmiş Azərbaycan dilində olan kitablar buraxılmışdır. Qeyd edək ki, müsabiqədə iştirak ödənişsiz olmaqla, yaş və ərazi məhdudiyyəti olmadan aparılıb.
Müsabiqə iştirakçılarının müəllifi, tərcüməçisi, yaxud tərtibçisi olduğu kitablar fərdi və təşkilat adından qəbul edilmişdir. Müsabiqədə iştirak edən kitablar Müsabiqənin Təşkilat Komitəsi tərəfindən qapalı səsvermə yolu ilə seçilmiş və 10 nominasiya üzrə 1, 2 və 3-cü yerlərə uyğun olaraq qaliblərin siyahısı müəyyənləşdirilmişdir. Xatırladaq ki, bundan əvvəl – 26.11.2024-cü il tarixində müsabiqənin qısa siyahısı açıqlanmışdı.
“İlin Kitabı” müsasibiqəsinin 2024-cü il üzrə yekun nəticələri aşağıdakı kimidir:
İLİN NƏSR KİTABI
1-ci yer: Rövşən Yerfi, “Məhbəs”, I və II kitab
2-ci yer: Nazlı Çələbi, “Dəmir Yumruq əməliyyatı” roman
3-cü yer: Əli Rzazadə, “Cənab Leytenant” roman
İLİN ŞEİR KİTABI
1-ci yer: Valeh Qoca, “Yarımçıq şəkil” şeirlər
2-ci yer: Sevinc Səyyadqızı, “Nərgizlər yalan deməz” şeirlər
3-cü yer: Ayşə Feyzi, “Uzaqdan uzaq” şeirlər
İLİN UŞAQ KİTABI
1-ci yer: Xanım Anela, “Pıçıltı” nağıllar
2-ci yer: Günel Rəcəb, “Orfolənd” roman
3-cü yer: İlhamə Kədər, “Doqquz şirin yuxu” nağıllar
İLİN METODİK KİTABI
1-ci yer: Anar Allahverdiyev, “Fizika”
2-ci yer: Ülviyyə Mirağaqızı, “Azərbaycan tarixi və Ümumi tarix”
3-cü yer: Malik Kərimov, “Kimya”
İLİN AKADEMİK KİTABI
1-ci yer: Gülər Hüseynova, “Müəllimlərin İşə Qəbulu və Sertifikasiya proqramı”
2-ci yer: Aysel Allahverdiyeva, “İngilis dili”
3-cü yer: Tural Əsədbəyli, Cəlil Həsənov, “Manevr doktrinası”
İLİN TƏRCÜMƏ KİTABI
1-ci yer: Fidan Nəcəfova, “Gilbert Kit Çesterton – Apollonun gözü” hekayələr
2-ci yer: Munisə Dadaşqızı, “Herbert Vote – Magellanın dövri-aləm səyahəti” roman
3-cü yer: Fidan Nəzirova, “Necati Dəmir – Danişmənd Qazi dastanı” roman
İLİN ANTOLOGİYASI
1-ci yer: Səlim Babullaoğlu, “Ərənlərin nəğməsi” – Çeçen şeirindən seçmələr
2-ci yer: Rövşən Danyeri, “15 yazıçıdan 15 hekayə” – dünya ədəbiyyatı
3-cü yer: Şəfa Vəli, “Şeirin yurdu” – müasir imzalar
İLİN MƏDƏNİYYƏT KİTABI
1-ci yer: Bəhram Osmanov, “Tamaşaya aparan yol”
2-ci yer: Tural Cəfərli, “Dahilərin həyatı və aforizmləri”
3-cü yer: Azər Ağayev, “Futbologiya”
İLİN KİTAB LAYİHƏSİ
1-ci yer: Aysel Şükürlü, Məktəbəqədərlər üçün “Pillə-pillə” kitab dəsti
2-ci yer: Könül Asifqızı, İbtidai siniflər üçün “Əyləncəli Yay Tətilim” kitab dəsti
3-cü yer: Nailə Axundova, “Riyaziyyat”, ibtidai siniflər üçün kitab
İLİN DEBÜT KİTABI
1-ci yer: Mənzər Ağabəyova, “Təzadlar içində eynilik” roman
2-ci yer: Səfa Əlicanoğlu, “Oyadan mələklər” romanı
3-cü yer: Bahar Bəxtiyarqızı, “Əlvida deməyə tələsmə” roman
“Mücrü” nəşriyyatı və “İlin Kitabı” müsabiqəsinin Təşkilat Komitəsi bütün qalibləri ürəkdən təbrik edir, yaradıcılıq yollarında uğurlar arzulayır!
Qaliblər (1, 2 və 3-cü yerlər) 31.01.2025-ci il tarixinə qədər “Mücrü” nəşriyyatının nəşr etdiyi bütün kitablara 50 faiz limitsiz endirim qazanırlar.
