“Mücrü” nəşriyyatının “Proza” seriyasında yazıçı Rövşən Yerfinin “Çiçək” adlı yeni kitabı işıq üzü görüb. Kitabda müəllifin qadın mövzusuna aid altı hekayəsi və beş essesi toplanılmışdır.
“Yeni çapdan çıxmış bu kiçik kitab, “Mücrü”dən təqdim edilən “Çiçək”, mənim qadınlara olan dərin ehtiramımın növbəti ifadəsidir. Qadın mövzusu əbədi mövzudur. Bu mövzuda əvvəllər “Sel”, “Günahsız qatil”, “Müqəssir” povestlərini, həmçinin həbsdə olan qadınlardan bəhs edən “Qadın türməsi” və “Həbsxana bənövşəsi” əsərlərini də yazmışam. Hazırda bədii ədəbiyyat mütaliə edənlərin əksəriyyəti qadınlar olduğu üçün “Çiçəyin” də maraqla qarşılanacağına inanıram” – deyə yazıçı yeni kitabı haqqında danışarkən bildirib.
Oxucular kitabı “Mücrü” nəşriyyatından və şəhərin bir çox kitab mağazalarından əldə edə bilərlər.
