Nəşr “Mücrü” nəşriyyatının “Proza” seriyasında işıq üzü görmüşdür.
“Yuxuların oğrusu” yazıçı-tərcüməçi Xanım Anelanın sayca ikinci romanı, üçüncü kitabıdır. Bundan əvvəl “Amarna günahkarları” romanı və “Anela” hekayələr toplusu işıq üzü görmüşdür. İlk romanında olduğu kimi bu əsərində də müəllif fantastik-elmi janra müraciət edib.
Romanın baş qəhrəmanı Aylanın möcüzəli bacarığı var: başqalarının yuxularına girib onların heç kəsə açıqlaya bilmədiklərini görə bilir, istəklərindən xəbər tutur. Amma bu fövqəladə bacarıq ona başqa birindən ötürülüb.
Bəli, o, reallığın içindən çıxıb gələn yuxuları oxuya, yönləndirə bilir. Müəllifin ön planda təqdim etdiyi romanın mistik süjetində qəhrəmanların eşq həyatı da paralel aparılan parlaq cizgilərlə verilir. Məhəbbət üçbucağının tərəflərində Aylaya qarşı Elnar və Yasin dayanıb. Kim həqiqi eşqlə bağlıdır? Həyatının səhvini edən tərəf kim olacaq? Aylanın göz-bəbəyi kimi qoruduğu sirri nədir? Bu sirri Ayladan xəbərsiz bilən yeganə insan kimdir? Oxucular kiçikhəcmli romanın sonuna doğru bütün bu suallara cavab tapa biləcəklər.
Qiyməti: 5 AZN
Nəşr göstəriciləri: 68 səhifə, A5, ağ-qara, “Mücrü” nəşriyyatı / 2020
